6TH TAMIL - கல்வியைப் போற்று

நூல் வெளி

• கா.ப.செய்குதம்பிப் பாவலர் கன்னியாகுமரி மாவட்டத்திலுள்ள இடலாக்குடி என்னும் ஊரைச் சேர்ந்தவர்.
• சீறாப்புறாணத்திற்கு உரை எழுதியவர்.
• அறிஞர் பலர் முன்னிலையில் நூறு செயல்களை ஒரே நேரத்தில் செய்து காட்டி, சதாவதானி என்னும் பட்டம் பெற்றவர்.
• இவர் நபிகள் நாயக மான்மிய மஞ்சரி, திருமதினத்து அந்தாதி உள்ளிட்ட பல நூல்களை எழுதியுள்ளார்.

அருளைப் பெருக்கி அறிவைத் திருத்தி
மருளை அகற்றி மதிக்கும் தெருளை
அருத்துவதும் ஆவிக்கு அருந்துணையாய் இன்பம்
பொருத்துவதும் கல்வியென்றே போற்று.

சொல்லும் பொருளும்

• பெருக்கி – வளர்த்து
• திருத்தி – சீராக்கி
• மருளை – மயக்கத்தை
• அருத்துவதும் – தருவதும்
• திருத்தி – சீராக்கி
• மதி – அறிவு
• ஆவி – உயிர்

சரியான விடையைத் தேர்ந்தெடுத்து எழுதுக

1. கல்வியானது நமது ______ துணையாய் அமைகிறது

அ) ஆவிக்குத்
ஆ) கண்ணுக்குத்
இ) உடலுக்குத்
ஈ) செவிக்குத்

2. அருந்துணை என்னும் சொல்லைப் பிரித்து எழுதக் கிடைப்பது

அ) அருந்து + துணை
ஆ) அருமை + துணை
இ) அரு + துணை
ஈ) அருந் + துணை

3. கல்வி + என்றே என்பதனைச் சேர்த்தெழுதக் கிடைக்கும் சொல்

அ) கல்விஎன்றே
ஆ) கல்வியன்றே
இ) கல்வின்றே
ஈ) கல்வியென்றே

4. கா.ப.செய்குதம்பிப் பாவலர் பிறந்த ஊர்

• செவல்குடி
• இடையன்குளம்
• இடலாக்குடி
• பனையன்குளம்

5. சீறாப்புறாணத்திற்கு உரை எழுதியவர்.

• பாரதிதாசன்
• கா.ப.செய்குதம்பிப் பாவலர்
• பாரதியார்
• திருத்தக்கதேவர்

6. நீதி வெண்பா என்ற நூலின் ஆசிரியர்

• கா.ப.செய்குதம்பிப் பாவலர்
• பாரதிதாசன்
• பாரதியார்
• கண்ணதாசன்

7. அருளைப் பெருக்கி அறிவைத் திருத்தி என்று இவ்வடிகளில் வரும் தொடை நயம் 

• எதுகை
• மோனை
• இயைபு
• முரண்

8. மன்னனும் மாசறக் கற்றோனும் சீர்தூக்கின் என வரும் பாடலைப் பாடியவர்

• ஔவையார்
• கபிலர்
• பூதஞ்சேந்தனார்
• காரியாசான்

9. மன்னனும் மாசறக் கற்றோனும் சீர்தூக்கின் என வரும் பாடல் இடம்பெற்ற நூல். 

அ) கொன்றைவேந்தன்

ஆ) மூதுரை

இ) ஆத்திச்சூடி

ஈ) ஆசாரக்கோவை

10. செய்குதம்பிப் பாவலர் இவ்வாறு அழைக்கப்படுகிறார்

• சதாவதானி
• தசதாவதானி
• மொழிஞாயிறு
• கவிமணி

11. செய்குதம்பிப் பாவலர் சிறந்து விளங்கிய கலை

• ஆடல்
• பாடல்
• ஓவியம்
• சதாவனம்

12. சதாவதானி என்பது _______

• நூறு செயல்களை ஒரே நேரத்தில் செய்து காட்டுவது
• ஆயிரம் யானைகளைப் போரில் கொல்வது
• நூறு மலர்களை ஒரே இடத்தில் குவிப்பது
• ஆயிரம் பேருக்கு உணவிடுவது

13. போற்றிக் கற்க வேண்டியது

• கல்வி
• நூல்
• ஒழுக்கம்
• பண்பு

இலக்கணக் குறிப்பு

• போற்று, பெருக்கி, 
• திருத்தி, அகற்றி – வினையெச்சங்கள்
• அருந்துணை – பண்புத்தொகை

பகுபத உறுப்பிலக்கணம்

1. பெருக்கி = பெருக்கு + இ

பெருக்கு – பகுதி
இ – வினையெச்ச விகுதி

2. திருத்தி = திருத்து + இ

திருத்து – பகுதி

இ – வினையெச்ச விகுதி