சைக்கிளில் வந்த
தக்காளிக் கூடை சரிந்து
முக்கால் சிவப்பில் உருண்டது
அனைத்துத் திசைகளிலும் பழங்கள்
தலைக்கு மேலே
வேலை இருப்பதாய்க்
கடந்தும் நடந்தும்
அனைவரும் போயினர்
பழங்களை விடவும்
நசுங்கிப் போனது
அடுத்த மனிதர்கள்
மீதான அக்கறை
இலக்கணக் குறிப்பு
உருண்டது, போனது - ஒன்றன் பால் வினைமுற்றுகள்
சரிந்து - வினையெச்சம்
அனைவரும் - முற்றும்மை.
பகுபத உறுப்பிலக்கணம்
சரிந்து = சரி + த்(ந்) + த் + உ;
சரி - பகுதி; த் --சந்தி (ந் ஆனது விகாரம்);
த் - இறந்தகால இடை நிலை;
உ - வினையெச்ச விகுதி.
No comments:
Post a Comment